主页 > V管生活 >Nexus 6P、5X果然含住棉花糖出世! >


Nexus 6P、5X果然含住棉花糖出世!

Nexus 6P、5X果然含住棉花糖出世!

分别由华为代工的Nexus 6P及LG代工的Nexus 5X终于正式发布,外媒近日不停爆尽规格资料,虽然实际上中唔少,但Google喺会上都补充咗唔少细节,未至于完全冇新料嘅。

首先讲吓Nexus 6P,佢嘅机身7.3mm厚,重178g,外壳以全金属製造,採用一体成型设计,背面相机如早前曝光嘅宣传材料一样,与机背呈一水平面,真係冇想像中咁核突。官方特别提到屏幕佔咗手机正面74%,尽力用尽所有空间,因此就算AMOLED屏幕有成5.7吋,整体大细仍然同5.5吋芒手机差不多,解像度达2,560 x 1,440。Nexus 6P搭载Snapdragon 810处理器、3GB RAM、3,450mAh电池。主镜头感应器採用咗Sony成品,像素达1,230万,像素尺寸达1.55微米,比iPhone 6s要大;而前置镜头则有800万像素,内置HDR+,自拍时可以玩更多花款。

Nexus 6P、5X果然含住棉花糖出世!
Nexus 6P、5X果然含住棉花糖出世!
Nexus 6P、5X果然含住棉花糖出世!
Nexus 6P、5X果然含住棉花糖出世!

至于Nexus 5X就颇为轻身,重136g,不过厚过楼上6P少许,达7.9mm。处理器为Snapdragon 808,配备2GB RAM及2,700mAh电池。主镜头像素跟6P相同,但就加入IR自动对焦,前置镜头相对冇咁劲,只得500万像素。屏幕尺寸亦降级到5.2吋(1,080 x 1,920),但面板就改用IPS LCD,色彩跟AMOLED有唔同口味。

Nexus 6P、5X果然含住棉花糖出世!
Nexus 6P、5X果然含住棉花糖出世!
Nexus 6P、5X果然含住棉花糖出世!
Nexus 6P、5X果然含住棉花糖出世!

作为Google亲生仔,佢哋当然会成为第一批预载Android 6.0 Marshmallow嘅手机。另外,两部手机均设有正面双声道喇叭,以及USB Type-C接口。当然,Nexus Imprint指纹感应亦唔少得,据讲今次辨识需时少于600ms,用户可以更快解锁手机,亦能以指纹确认Google Play交易。另外,双方同样支援4K影片及慢镜摄录,但帧数就有差距:Nexus 5X为120fps,6P则进一步提升至240fps。

Nexus 6P、5X果然含住棉花糖出世!
◆ Nexus Imprint可以喺600ms内辨识指纹。Nexus 6P、5X果然含住棉花糖出世!
◆ 虽然右边配图得Nexus 5X,但其实呢三样特色係两部机共有。

照咁睇,两部机定位的确唔同,Nexus 6P较为高阶,且拍摄功能亦更强。Nexus 6P备有铝银、石墨黑、冰霜白三色,5X则提供炭黑、石英白、冰蓝三色。今日起于Google Store接受预订,十月发货,可惜香港并非首发地区。Nexus 5X有16GB及32GB容量两个版本,分别售US$379(HK$2,937)及US$429(HK$3,325)。Nexus 6P容量较大,32GB、64GB、128GB版本各自定价US$499(HK$3,867)、US$549(HK$4,255)及US$649(HK$5,030)。

不忘旧客:其他Nexus机都有糖食

Google推出两部新机同时,亦冇唔记得照顾埋其他兄弟,使用Nexus 5、6、7、9或Player嘅朋友,下星期开机就应该会见到Android 6.0更新!

上一篇: 下一篇:

相关推荐